-
-
-
-
काठमाडौं । कोरोना भाइरसका संक्रमित फेरि बढेका छन् । सोमबारको तुलनामा मंगलबार र बुधबार फेरि संक्रमित बढेका हुन् । बुधबार दुई हजार चार सय एक संक्रमित थपिएका छन् । १६ हजार ३५६ जनाको परीक्षणमा ११ हजार छ सय तीन पीसीआरबाट एक हजार आठ सय ५१ तथा चार हजार सात सय ५३ एन्टिजेनबाट पाँच सय ५० संक्रमित थपिएका हुन् । जसमा एसएमएस र इमेल तथ्याङ्कसमेत जोडिएको स्वास्थ्य तथा जनसंख्या मन्त्रालयले जनाएको छ ।
थप १४ जनाको मृत्यु भएको छ । तुलनामा मृतक पनि बढेका छन् । अहिलेसम्म कोरोनाबाट ११ हजार आठ सय ५२ जनाको मृत्यु भइसकेको छ । हाल सक्रिय संक्रमितको संख्या ३० हजार २४१ रहेको छ ।
बुधबार थप सात हजार सात सय ७७ संक्रमितलाई निको भएको छ । मंगलबार एक हजार नौ सय ५७ संक्रमित थपिँदा ११ जनाको मृत्यु भएको थियो ।
