काठमाडौं । देशभर पछिल्लो २४ घण्टामा थप आठ जनाले ज्यान गुमाएका छन् । योसँगै कोरोना संक्रमणबाट मृत्यु हुनेको सङ्ख्या ११ हजार ९ सय पुगेको छ ।
पछिल्लो २४ घण्टामा थप ७ सय ४७ जनामा कोरोना भाइरस संक्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो समय आठ हजार ६ सय ९६ को परीक्षण गर्दा उक्त सङ्ख्यामा संक्रमण पुष्टि भएको हो ।
योसँगै नेपालमा पीसीआर विधिबाट गरिएको परीक्षणमा कोरोना भाइरस संक्रमितको सङ्ख्या नौ लाख ७३ हजार ५ सय ४१ पुगेको छ । एन्टिजेन परीक्षण गर्नेको सङ्ख्या एक लाख ३७ हजार ६ सय ७७ रहेको छ । पछिल्लो समय थप दुई हजार ३ सय १९ संक्रमणमुक्त भएका छन् ।
योसँगै संक्रमणमुक्त हुनेको सङ्ख्या नौ लाख ४० हजार ९ सय २ पुगेको छ । यो दर ९६ दशमलव ६ प्रतिशत रहेको मन्त्रालयले जनाएको छ ।
पछिल्लो समय दुई लाख १६ हजार १ सय १८ ले खोप लगाएको मन्त्रालयले जनाएको छ । हालसम्म सक्रिय संक्रमितको सङ्ख्या २० हजार ७३९ रहेको छ । अहिले होम आइसोलेशनमा १९ हजार ९ सय ३० रहेका छन् ।
त्यसैगरी संस्थागत आइसोलेशनमा ८ सय ९, आइसीयुमा १ सय ७८ र भेन्टिलेटरमा ३४ जनाले उपचार गराइरहेका छन् ।
