पीसीआर परीक्षणको १२ प्रतिशतमा संक्रमण, अझै साढे १९ हजार सक्रिय संक्रमित
हाम्रा कुरा
प्रकाशित २०७८ फागुन ३ मंगलबार
549
Shares
काठमाडौं । कोरोना भाइरसका सक्रिय संक्रमित अझै साढे १९ हजार रहेका छन् । आज एक हजार आठ सय ३५ जनालाई निको भएसँगै सक्रिय संक्रमित १९ हजार चार सय रहेका हुन् ।
आज छ सय ८० संक्रमित थपिएका छन् । सात हजार ९५ जनाको परीक्षणबाट ९.५९ प्रतिशत संक्रमित थपिएका हुन् । चार हजार दुई सय ५६ जनाको पीसीआर परीक्षणबाट ११.७१ प्रतिशतमा संक्रमण देखिएको हो । त्यस्तै दुई हजार आठ सय ३९ एन्टिजेनबाट एक सय ८२ संक्रमित पाइएका हुन् ।
थपिएकामा काठमाडौंमा १७०, भक्तपुरमा १५ र ललितपुरमा २४ गरी पछिल्लो २४ घण्टामा काठमाडौं उपत्यकामा मात्रै २०९ नयाँ संक्रमित थपिएका छन् ।
पछिल्लो २४ घण्टामा ४३ हजार ८ सय ८१ जनाले कोरोना भाइरस विरुद्धको खोप लगाएका छन् ।
आज २ जनाले ज्यान गुमाए । अहिलेसम्म कोरोनाबाट ११ हजार नौ सय दुई जनाको ज्यान गइसकेको छ ।
