काठमाडौं । नेपालको लागि स्याङयोङ्ग मोटर्सको आधिकारिक बिक्रेता एवम् आईएमएस ग्रुप अन्तर्गतको आइएमएस मोटर्सले ‘फ्री स्याङयोङ्ग सर्भिस क्याम्प’ ल्याएको छ । आईएमएस मोटर्सले आफ्ना ग्राहकलाई यस कार्यक्रमको अवधिभर विभिन्न सेवा सुविधाहरु प्रदान गरिरहेको छ ।
आईएमएस मोटर्सले प्रेस विज्ञप्ति जारी गर्दै विभिन्न सुविधाबारे जानकारी दिएको हो । जसमा बम्पर उपहार अन्तर्गत सतप्रतिशतसम्म नगद फिर्ता, स्याङयोङ्ग गाडीहरुमा निःशुल्क स्वास्थ्य परीक्षण, किफायती भागहरुमा ५० प्रतिशतसम्मको छुट, लुब्रिकेन्टमा १० प्रतिशतसम्मको छुट, निःशुल्क सर्भिसिङ्ग तथा फ्री वास, आकर्षक सट्टापट्टा प्रस्ताव, उत्कृष्ट–तुरुन्त मूल्यांकन रहेका छन् ।
यो सेवा शिविर स्याङयोङ्गका ग्राहकहरुका लागि विशेष रुपमा नेपालभरि रहेका ४ विभिन्न आधिकारिक सेवा केन्द««हरु सञ्चालन भइरहेकोसमेत आईएमएसले जनाएको छ । यो ‘फ्री स्याङयोङ्ग सर्भिस क्याम्प’ अफर फागुन ३ गते मंगलबारदेखि फागुन १७ गते मंगलबारसम्म मात्र हुने मोटर्सले जानकारी दिएको छ ।
स्याङयोङ्ग कोरियाको चौथौ ठूलो गाडीहरु उत्पादन गर्ने कम्पनी हो । सन् १९५४ देखि शुरुआत गरिएको यस कम्पनीका गाडीहरु आफ्नो आधुनिक स्टाइल अनि उत्कृष्ट प्रदर्शनका लागि चिनिने गर्दछन् ।
