काठमाडौं । पछिल्लो २४ घण्टामा कोरोना भाइरसको संक्रमणबाट थप ६ जना संक्रमितको मृत्यु भएको छ । योसँगै हालसम्म नेपालमा कोभिड१९को संक्रमणबाट मृत्यु हुनेको संख्या ११ हजार ९ सय ११ पुगेको छ ।
पछिल्लो २४ घण्टामा थप ५७० जनामा कोरोना भाइरसको संक्रमण पुष्टि भएको छ । योसँगै हालसम्म नेपालमा कुल ११ लाख १३ हजार १ सय ७ जनामा कोरोना भाइरसको संक्रमण पुष्टि भएको छ ।
यस अवधिमा १ हजार ९ सय ९३ जना संक्रमित कोभिड१९को संक्रमणबाट मुक्त भएका छन् । योसँगै हालसम्म संक्रमणमुक्त हुनेको संख्या ९ लाख ४६ हजार ३ सय ३० पुगेको छ । हाल सक्रिय संक्रमितको संख्या १६ हजार ६ सय १६ रहेको छ ।
पछिल्लो २४ घण्टामा १ लाख ६४ हजार ४ सय ७५ मात्रा खोप लागेको छ । योसँगै हालसम्म नेपालमा ३ करोड ५९ लाख ५४ हजार २ सय ९२ मात्रा खोप लागेको छ ।
पछिल्लो २४ घण्टामा ९ हजार ७ सय ८९ जनाको नमुना परीक्षण गरिएको तथ्याङ्क स्वास्थ्य तथा जनसङ्ख्या मन्त्रालयले सार्वजनिक गरेको छ । हालसम्म नेपालमा ५३ लाख ६४ हजार ५ सय ३१ जनाको पीसीआर र १० लाख २८ हजार २ सय ३९ जनाको एन्टीजेन विधिबाट नमुना परीक्षण गरिएको छ ।
