-
-
-
-
पोखरा । पोखरामा हराएको एक लाख रुपैयाँ फेला परेको छ । प्रहरीको सक्रियतामा उक्त रकम फेला पार्न सहज भएको हो । प्रहरीले सो रकम बिहीबार सम्बन्धित धनीलाई प्रदान गरेको छ ।
प्रहरीका अनुसार फागुन ३ गते बिहान ५ः४० बजे पोखरा महानगरपालिका वडा नं. १० रंगशाला गेट अगाडि रहेको शारदा पेट्रोल पम्पस्थित ग१ख ७२३२ नं. को टिप्परमा तेल हाल्ने क्रममा एक लाख नगद खसेको थियो ।
नगद हराएको भनी वडा प्रहरी कार्यालय रामबजरमा खोजतलास गरिदिन कृष्णबहादुर क्षेत्रीले निवेदन दिएपछि प्रहरी खोजतलास गरेको थियो ।
वडा प्रहरी कार्यालय रामबजारबाट खटिइको प्रहरी टोलीले सोहि स्थानको सीसीटीभी फुटेज हेर्दा ग३च २१६३ नं. को महेन्द्र भ्यानले टिपेर लगेको देखिएको थियो ।
उक्त भ्यानको व्यक्तिलाई प्रहरी कार्यालयमा उपस्थित गराई सोधपुछ पश्चात नगद फेला परेको प्रहरीले जनाएको छ ।
