-
-
-
-
काठमाडौं । नेकपा (माओवादी केन्द्र) निकट विद्यार्थी सङ्गठन अनेरास्ववियू क्रान्तिकारीले सोमवार माइतीघर मण्डलामा विरोध प्रदर्शन गरेको छ । अनेरास्ववियूका कार्यकर्ताहरूले यथास्थितिमा अमेरिकी सहायता परियोजना एमसीसी पास गर्ने षड्यन्त्र गरेको भन्दै प्रदर्शन गरेका हुन् ।
आइतबार झडपमा भएको प्रहरीको बर्बर दमनका विरुद्धमा माइतीघर अगाडी उनीहरूले प्रदर्शन गरेका थिए। उक्त प्रदर्शनमा घाइते भएका कार्यकर्ताहरूले 'नो एमसीसी', 'एमसीसी चाहिँदैन, देश बेच्न पाइँदैन', जस्ता प्लेकार्डहरू बोकेर प्रदर्शन गरेका थिए ।
उनीहरूले 'प्रहरी हाम्रो साथी हो, साथीलाई कुट्न पाइँदैन' भन्दै नारा लगाएका थिए। प्रदर्शन मार्फत कार्यकर्ताहरूले एमसीसीको लगातार विरोध कार्यक्रमहरु गर्ने जानकारी पनि दिएका थिए।
