-
-
-
-
बागलुङ । बागलुङको बडीगाडमा सुख्खा पहिरोले पुरिँदा एक जनाको मृत्यु भएको छ भने दुई जना गम्भीर घाइते भएका छन् ।
मृत्यु हुनेमा बडीगाड गाउँपालिका वडा नं. ७ का ६० वर्षीय गोपीराम विक रहेका छन् ।
यस्तै, घाइते हुनेमा मोटरबाटो उपभोक्ता समितिका अध्यक्ष ३४ वर्षीय दुर्गाबहादुर विक र स्थानीय ४० वर्षीय दिलबहादुर विक रहेका छन् । उनीहरुको स्थानीय मेडिकलमा उपचार भइरहेको छ ।
जिल्ला प्रहरी कार्यालयका प्रहरी निरीक्षक विराट पौडेलका अनुसार जिल्लाको बडीगाड गाउँपालिका वडा नं. ७ मा मंगलबार बिहान सडक खन्ने क्रममा माथिबाट खसेको सुख्खा पहिरोले पुरिँदा घटना भएको हो ।
