-
-
-
-
काठमाडौं । नेपालमा पछिल्लो २४ घण्टामा कोरोना भाइरसको संकमणबाट थप ३ जना संक्रमितको मृत्यु भएको छ । यस अवधिमा १ सय २७ जना नयाँ संक्रमित थपिएका छन्, भने ३२१ जना संक्रमणमुक्त भएका छन् ।
पछिल्लो २४ घण्टामा ६ हजार ८ सय ७४ जानको नमुना परीक्षण गरिएको थियो । हाल सक्रिय संक्रमितको संख्या ७ हजार ७ सय ७० रहेको छ ।
नेपालमा हालसम्म पीसीआर विधिबाट ९ लाख ७७ हजार १ सय ९९ जना र एन्टीजेन विधिबाट १ लाख ३९ हजार ४ सय ५७ जनामा कोभिड-१९को संक्रमण पुष्टि भएको छ ।
यीमध्ये ९ लाख ५७ हजार ४ सय ८८ जना संक्रमणमुक्त भएका छन्, भने ११ हजार ९ सय ४१ जनाको मृत्यु भएको छ । हालसम्म नेपालमा ४ करोड ७८ लाख ८२ हजार ८ सय डोज खोप भित्रिएकोमा ३ करोड ७२ लाख ६० हजार ६ सय ६० डोज खोप लागिसकेको छ ।
