- सुन चाँदी दर
- विनिमय दर
- नेपाली पात्रो
- राशिफल
काठमाडौं । उत्तरपश्चिमी पाकिस्तानी सहर पेशावरमा रहेको एक शिया मस्जिदमा शुक्रबार शक्तिशाली बम विस्फोट हुँदा ३० भन्दा बढीको मृत्यु भएको छ भने दर्जनौं घाइते भएका छन् ।
घाइतेमध्ये धेरैको अवस्था गम्भीर छ भने अस्पतालहरूमा आपतकाल घोषणा गरिएको पेशावरको लेडी रिडिङ अस्पतालका प्रवक्ता मुहम्मद असिम खानले बताएका छन् ।
पेशावरको पुरानो सहरमा रहेको कुचा रिसालदार मस्जिदमा शुक्रबारको नमाज पढ्न जम्मा भइरहेका बेला विस्फोट भएको हो ।
पेशावरका प्रहरी प्रमुख मोहम्मद एजाज खानका अनुसार मस्जिद बाहिर दुई हतियारधारी आक्रमणकारीले प्रहरीमाथि गोली चलाउँदा हिंसा सुरु भएको अलजजिरामा उल्लेख गरिएको छ ।
गोली हानाहानमा एक आक्रमणकारी र एक प्रहरीको मृत्यु भएको र त्यसपछि बाँकी आक्रमणकारीले मस्जिद भित्र गएर बम विस्फोट गरेको बताइएको छ । एक प्रहरीसहित ६० भन्दा बढी नागरिक घाइते भएका छन् । मृत्यु हुनेको संख्या बढ्ने अनुमान गरिएको छ ।
पछिल्ला महिनाहरूमा पाकिस्तानमा हिंसात्मक घटना बढ्दै गएको छ। यसअघि अफगानिस्तानसँगको सीमामा रहेको सेनाको चौकीमा भएको आक्रमणमा दर्जनौं सैनिक मारिएका छन् ।
पाकिस्तानका प्रधानमन्त्री इमरान खानले बम विस्फोटको निन्दा गरेका छन् ।
قصہ خوانی بازار کے کوچہ رسالدار شیعہ جامع مسجد میں دو حملہ آور نے گھسنے کی کوشش کی
ڈیوٹی پر موجود پولیس اہلکاروں پر فائرنگ ہوئی ہے
فائرنگ سے ایک پولیس جوان شہید جبکہ دوسرا زخمی ہوا ہے جس کی حالت تشویشناک ہے
پولیس ٹیم پر حملہ کے بعد جامع مسجد میں دھماکہ ہوا ہے
1/2 pic.twitter.com/9gwfHSsPuG
— Capital City Police Peshawar (@PeshawarCCPO) March 4, 2022