-
-
-
-
पोखरा । तीव्र गतिमा कुदाउँदा गण्डकी प्रदेशका मन्त्री सवारी गाडी सोमबार बिहान तनहुँमा दुर्घटनामा परेको छ ।
ऊर्जा, जलस्रोत तथा खानेपानी मन्त्री हरिशरण आचार्य सवार गाडी दुर्घटनामा परेको हो ।
श्रोतका अनुसार मोटरसाइकललाई जोगाउन खोज्दा ग१झ ६०० नम्बरको स्कार्पियो गाडी बिजुलीको पोलमा ठोक्किएको हो ।
मन्त्री आचार्य र मन्त्रालयका सचिव रामकुमार श्रेष्ठ नवलपुरबाट पोखरा आउँदै गर्दा गाडी दुर्घटनामा परेको हो ।
मन्त्री आचार्य र सचिव श्रेष्ठ खानेपानी आयोजनाको उद्घाटन तथा शिलान्यास गर्न आइतबार नवलपुर पुगेका थिए ।
गाडी दुर्घटनामा परेपछि गाडीमा सवार सबै सकुशल रहेका छन् ।
