-
-
-
-
काठमाडौं । कोरोना भाइरसका संक्रमित घट्दै गएका छन् । शनिबार ७३ संक्रमित थपिएका छन् । जसमा पीसीआरबाट ३० र एन्टिजेनबाट ४३ थपिएका हुन् ।
यद्यपि एन्टिजेनको यकिन तथ्यांक मन्त्रालयसँग छैन । मन्त्रालयले तथ्यांक संकलन गर्न नसकेका कारण यो तथ्यांक यकिन आउन नसकेको हो ।
एन्टिजेनको विवरण न त दैनिक जिल्लामा थपिनेको संख्यामा जोडिन्छ न त निको हुनेमै । शनिबार १९२ लाई निको भएको छ । एक लाख एक हजार ३०४ जनाले खोप लगाएका छन् ।
हाल सक्रिय संक्रमित ५ हजार ५० जना रहेका छन् । शनिबार सबैभन्दा बढी काठमाडौंमा १७ जना थपिएका छन् । मृतक थपिएका छैनन् । अहिलेसम्म ११ हजार ९ सय ५० जनाको मृत्यु भइसकेको छ ।
पीसीआरबाट हालसम्म ९ लाख ७७ हजार ८७८ जना संक्रमित भइसकेका छन् ।
