न्यूयोर्क। तालिबान अधिकारीहरूले अफगानिस्तानमा जिल्ला र प्रान्तीय केन्द्रहरूमा रहेका अफगानी मिडियाहरूलाई धम्की दिने गरेका छन्। सञ्चारमाध्यमहरु विरुद्ध दूरगामी सेन्सरशिप र हिंसाका घटनाहरू बढेका छन्। जसले अफगानिस्तानमा आलोचनात्मक रिपोर्टिङलाई कडा रूपमा सीमित गरिएको न्युयोर्कस्थित ह्युमन राइट्स वाचले जनाएको छ।
न्युयोर्कमा रहेको समूहले काबुल बाहिर पत्रकारहरूले सामना गर्नुपरेको अवस्था राजधानी भित्रको तुलनामा विशेष गरी महिलाहरूको लागि धेरै खराब रहेको जनाएको छ।
ह्युमन राइट वाचका अनुसार प्रान्तका पत्रकारहरूले तालिबान सदस्यहरूले उनीहरू र उनीहरूका सहकर्मीहरूलाई धम्की दिएको, थुनामा राख्ने र कुटपिट गर्ने गरेको बताएका छन्। धेरै पत्रकारहरूले सेल्फ-सेन्सर गर्ने गरेको र कयौंलाई तालिबानले आधिकारिक घटनाहरू मात्र रिपोर्ट गर्न बाध्य पारेको जनाइएको छ। महिला पत्रकारले सबैभन्दा चरम उत्पीडनको सामना गर्नुपरेको छ।
ह्युमन राइट वाचका अफगानिस्तान अनुसन्धानकर्ता फेरेस्ता अब्बासीले भने, 'प्रमुख सहरी क्षेत्रहरू र बाहिरका पत्रकारहरूमाथि तालिबान उत्पीडन र आक्रमणहरू धेरै हदसम्म रिपोर्ट गरिएका छैनन्। जसले बाहिरी प्रान्तहरूमा मिडिया आउट लेटहरूलाई सेल्फ-सेन्सर वा पूर्ण रूपमा बन्द गरेको,' ह्युमन राइटका अफगानिस्तान अनुसन्धानकर्ता फेरेस्ता अब्बासीले भने, 'धेरै प्रान्तहरूमा, तालिबानले व्यापक रूपमा मुद्दाहरूको रिपोर्टिङलाई हटाएको छ र महिला पत्रकारहरूलाई पेसाबाट बाहिर निकालेको छ।'
फेब्रुअरी २, २०२२ मा, तालिबानका प्रवक्ता जबिहुल्लाह मुजाहिदले अफगान पत्रकार सुरक्षा समिति, मिडिया एड्भोकेसी समूहको बैठकमा पत्रकारहरूले प्रकाशन गर्नुअघि 'राष्ट्रिय हित, इस्लामिक मूल्यमान्यता र राष्ट्रिय एकता' लाई विचार गर्न निर्देशन दिएका थिए।
