-
-
-
-
काठमाडौं । भारतका लागि नेपाली आवासीय राजदूत डा शङ्करप्रसाद शर्माले शपथ लिएका छन् । उनलाई राष्ट्रपति विद्यादेवी भण्डारीले आज पद तथा गोपनीयताको शपथ गराएकी हुन् ।
राष्ट्रपति कार्यालय शीतल निवासमा आज आयोजित समारोहमा राष्ट्रपति भण्डारीले राजदूत डा शर्मालाई पद तथा गोपनीयताको शपथ गराएकी हुन् ।
समारोहमा परराष्ट्रमन्त्री डा नारायण खड्का उपस्थित थिए ।
नेपाल सरकारको सिफारिसमा यही चैत ६ गते राष्ट्रपति भण्डारीले डा शर्मालाई गणतन्त्र भारतका लागि नेपालको आवासीय राजदूतमा नियुक्त गरेकी थिइन् ।
