-
-
-
-
पोखरा । बागलुङमा भीरबाट खसेर बुधबार एक युवकको ज्यान गएको छ । मृत्य हुनेमा निसीखोला गाउँपालिका वडा नं. ५ निवासी १९ वर्षीय डोरबहादुर घर्ती मगर रहेका छन् ।
बुधबार दिउँसो १ बजे निगालो काट्न गएका मगरको भीरबाट खसेर मृत्यु भएको इलाका प्रहरी कार्यालय बुर्तीबाङका प्रमुख जयराम वन्तले जानकारी दिए ।
भीरबाट खसेर घाइते भएका मगरलाई स्थानीयले उपचारका लागि बुर्तीबाङ प्राथमिक स्वास्थ्य केन्द्रमा पुर्याएका थिए ।
बुर्तीबाङमा उपचार हुन नसकेपछि घर्तीलाई पोखरा ल्याउँदै गर्दा बुधबार राति बाटैमा मृत्यु भएको प्रहरी निरीक्षक वन्तले जानकारी दिए ।
