-
-
-
-
काठमाडौं । गण्डकीका मन्त्री राजीव गुरुङ (दीपक मनाङे) ले कर्मचारीलाई कुटेका छन् । गण्डकी प्रदेश सरकारमा युवा तथा खेलकुद मन्त्री रहेका मनाङेले मन्त्रालयकै कर्मचारीलाई कुटेका हुन् ।
मनाङेले हिजो नै हातपात गरेको भए पनि आज मात्र घटना बाहिरिएको हो । हिजो ५ बजेपछि मन्त्रीको कार्यकक्षमा पुगेका मन्त्रालयका सूचना अधिकारी प्रकाश ओझामाथि उनले हातपात गरेका थिए ।
भनाभनकै क्रममा मन्त्री मनाङले धकेल्दै ओझालाई कुटपिट गरेका थिए । युवा स्वरोजगार सम्बन्धी कार्यविधि माथि छलफल भइरहँदा रिसाएर ओझामाथि मनाङेले हातपात गरेको बुझिएको छ ।
यता मन्त्री मनाङेले भने आफूले कुटपिट नगरेको बताएका छन् । उनले कर्मचारीमाथि चोरको संज्ञा दिदै चोर जस्तो मान्छेलाई पुलिसले पिट्छ मैले होइन भनेका छन् ।
