कोरोनाका अझै छ सय ३७ सक्रिय संक्रमित, शनिबार १२ थपिए
हाम्रा कुरा
प्रकाशित २०७८ चैत २६ शनिबार
1.7k
Shares
काठमाडौं । नेपालमा कोरोना भाइरसका अझै छ सय ३७ सक्रिय संक्रमित रहेका छन् । शनिबार पीसीआर परीक्षणबाट १२ संक्रमित थपिएको स्वास्थ्य तथा जनसंख्या मन्त्रालयले जनाएको छ ।
२ हजार ५३९ जनाको पीसीआर परीक्षणबाट १२ संक्रमित पाइएका हुन् । त्यस्तै १६ सय १६ एन्टिजेनबाट १ जना थपिएको मन्त्रालयले जनाएको छ ।
तर मन्त्रालयसँग एन्टिजेनको तथ्यांक स्पष्ट छैन । उसले आफैले नागरिकले यसको परीक्षण गर्न सक्ने भएकाले तथ्यांक सही आउन नसकेको जनाएको छ ।
यसबाट हुने संक्रमितकोसमेत यकिन हुन सकेको हुँदैन । पीसीआर परीक्षणबाट संक्रमित भएका छ सय ३७ जना अझै सक्रिय संक्रमित छन् ।
जसमा काठमाडौंमा १०६, ललितपुरमा ८७ तथा भक्तपुरमा २ जना सक्रिय संक्रमित छन् ।
शनिबार ४४ जना संक्रमणमुक्त भएका छन् । अहिले संस्थापक आइसोलेसनमा २४ जना रहेका छन् । त्यस्तै ११ जना आईसीयूमा तथा एक जना भेन्टिलेटरमा रहेका छन् ।
अहिलेसम्म नेपालमा ११ हजार ९५१ जनाको मृत्यु भइसकेको छ ।
