-
-
-
-
काठमाडौं । युक्रेनको गोस्टोमेल एयरपोर्टमा चकनाचुर अर्धचन्द्राकार ह्याङ्गर मुनि, विश्वको सबैभन्दा ठूलो विमान भाँचिएको अवस्थामा छ ।
रुसले युक्रेनी राजधानी कीभमा आक्रमण गरेका बेला नै एन्टोनोभ एएन २२५ विमानमाथि पनि बमबारी गरेको युक्रेनी अधिकारीले जनाएका थिए ।
८८ मिटरलामा पखेटा भएको कार्गो लिफ्ट विमान सञ्चालनमा रहेका कुनै पनि विमानमध्येको सबैभन्दा ठूलो हो ।
युक्रेनी झण्डाको पहेँलो र नीलो किनारा भएको विशाल जहाजको अगाडि उभिएर आन्तरिक मन्त्री डेनिस मोनास्टिरस्कीले भने,'हामी पृष्ठभूमिको रूपमा नष्ट भएको 'सपना'सँग कुरा गर्दैछौं।'
ड्रिम (सपना) युक्रेनी भाषामा मरिया (Antonov An-225 Mriya) नाम दिइएको यो ठूलो विमान रुसको खर्चमा पुनर्निर्माण गर्ने युक्रेनी अधिकारीहरूले भनेका थिए ।
८४ मिटर लामो, २ लाख ८५ हजार किलोको यो विमान ८ सय ५० किलोमिटर प्रतिघण्टाको रफ्तारमा उड्न सक्थ्यो । यो विमान सन् १९८० को दशकमा तत्कालीन सोभियत सङ्घ अन्तर्गत रहेको युक्रेनमा एयरोनटिक्स कम्पनी एन्टोनोभले डिजाइन गरेको थियो ।
