-
-
-
-
काठमाडौं । कोरोना भाइरसका संक्रमित फेरि बढेका छन् । केही दिनदेखि संक्रमित हुनेमा कमी आएकामा सोमबार पीसीआर परीक्षणबाट मात्रै २२ जना संक्रमित थपिएका छन् ।
शुक्रबार र शनिबार १२–१२ जना तथा आइतबार ४ जनामात्र थपिएकामा सोमबार भने बढेका हुन् । ३ हजार ९७२ जनाको पीसीआर परीक्षणबाट उक्त संख्यामा संक्रमित थपिएका हुन् ।
१ हजार १७२ एन्टिजेन परीक्षणबाट भने एक जना पनि संक्रमित फेला नपरेको स्वास्थ्य तथा जनसंख्या मन्त्रालयले जनाएको छ ।
सोमबार ४६ जना संक्रमणमुक्त भएका छन् । त्यस्तै मृतक थपिएका छैनन् । अहिलेसम्म ११ हजार ९५१ जनाको कोरोनाबाट मृत्यु भइसकेको छ ।
हाल सक्रिय संक्रमितको संख्या ५६८ रहेको छ । काठमाडौंमा मात्रै ९५ सक्रिय संक्रमित रहेका छन् । त्यस्तै ललितपुरमा ८० तथा भक्तपुरमा २ जना रहेका छन् ।
