- सुन चाँदी दर
- विनिमय दर
- नेपाली पात्रो
- राशिफल
काठमाडौं । प्रिन्स ह्यारी र मेघन मार्कल पूर्व अमेरिकी राष्ट्रपति बराक ओबामा र जर्ज डब्लु बुशका तत्कालीन संरक्षक सहित पाँच अंगरक्षकका साथ देखिएका छन् ।
शनिबार 'इनभिक्टस गेम्स'मा उपस्थित जोडीका साथ पाँचजना अंगरक्षक देखिएका हुन् । ससेक्सहरूको सुरक्षामा क्रिस्टोफर सान्चेज सहितका पाँच जना थिए ।
क्रिस्टोफर सान्चेज अमेरिकी गोप्य सेवाको हिस्साको रूपमा पाँच वर्ष पूर्व राष्ट्रपतिको सुरक्षा गरेका व्यक्ति हुन् । बराक ओबाको अंगरक्षकका रुपमा साढे दुई र जर्ज डब्लु बुशको अंगरक्षकका रुपमा साढे दुई गरी सान्चेजले पाँच वर्ष पूर्वराष्ट्रपतिहरुको सुरक्षा गरेका छन् ।
नेदरल्याण्ड्समा इनभिक्टस खेलहरुका क्रममा ह्यारी र मेघनलाई भीभीआईपी (धेरै महत्त्वपूर्ण व्यक्ति)को दर्जा दिइएको थियो । स्थानीय पुलिस र डच शाही सुरक्षा इकाईका सदस्यहरूले पनि उनीहरुलाई सुरक्षा दिएका छन् ।
पूर्व अमेरिकी गोप्य सेवा एजेन्ट सान्चेजले राष्ट्रिय सुरक्षामा र धनी एवं प्रख्यात व्यक्तिलाई जोगाउनमा २१ वर्ष बिताएका छन् । अहिले सान्चेजले दुईवटा हाई प्रोफाइल अमेरिकी फर्म हाँकीरहेका छन् ।