मास्क नलगाउनेलाई आठ सय जरिवाना

हाम्रा कुरा

प्रकाशित २०७९ वैशाख ७ बुधबार

काठमाडौं । कोरोना भाइरसको महामारी फेरि फैलिन थालेपछि भारतको नयाँ दिल्लीमा नयाँ नियम लगाइएको छ । नयाँ भेरियन्ट फैलिन थालेपछि दिल्ली सरकारले मास्क अनिवार्य गरेको छ ।

जसले मास्क लगाउँदैन उसलाई आठ सय रुपैयाँ (पाँच सय भारु) जरिवाना गर्ने निर्णय गरेको छ । बुधबार दिल्ली डिजास्टर म्यानेजमेन्ट अथोरिटी डीडीएमएको बैठकले यस्तो निर्णय गरेको हो ।

तर विद्यालय र अन्य शैक्षिक संस्थाहरु भने खुला राख्ने निर्णय डीडीएमएले गरेको छ । कोरोनाका नयाँ भेरियन्ट बी.१.१०, बी.१.१२ का शुरुआती संकेतहरु पाइएपछि कडा नियम लगाइएको हो ।