-
-
-
-
इस्लामावाद । पाकिस्तानको कराँचीमा भएको विस्फोटनमा परी कम्तीमा चार जनाको मृत्यु भएको छ । घटनामा परी अरु कयौँ घाइते भएको सरकारी अधिकारीहरूले मङ्गलबार पत्रकारहरूलाई जानकारी दिएका छन् ।
कराँचीमा रहेको एउटा विश्वविद्यालयको छेउमा रहेको पार्किङमा विस्फोट भएको उनीहरूले जनाएका छन् । विस्फोटपछि सानो आगलागी भएको थियो ।
विस्फोटन कसले गराएको हो भन्ने बारेमा अहिलेसम्म स्पष्ट हुन नसकेको र खोजी तथा अनुसन्धान कार्य भइरहेको प्रहरीले जनाएको छ ।
घटनामा परी घाइते भएकाहरूलाई स्थानीय विभिन्न अस्पतालमा लगेर उपचार गरिएको अधिकारीहरूले जनाएका छन् ।
