तीन गुणाले बढ्यो कोरोना संक्रमण, सक्रिय संक्रमित पनि बढे

हाम्रा कुरा

प्रकाशित २०७९ वैशाख २० मंगलबार

काठमाडौं । पछिल्लो २४ घण्टामा थप ३२ जनामा कोरोना भाइरसको संक्रमण पुष्टि भएको छ । यो सङ्ख्या हिजो नयाँ थपिएका ९ जना भन्दा करिब तीन गुणाले बढी हो । पछिल्लो २४ घण्टामा २३ जना संक्रमित संक्रमणमुक्त भएका छन् ।

यसअघि हिजो सक्रिय संक्रमितको सङ्ख्यासमेत २११ रहेको थियो । आज सो सङ्ख्या बढेर २१७ पुगेको छ । चीन, भारतलगायतका मुलुकमा कोरोना भाइरसको संक्रमण बढ्दै गएका बेला नेपालमा समेत संक्रमण बढ्ने सङ्केत देखिएको छ ।

पछिल्लो २४ घण्टामा ३ हजार ९४ जनाको नमुना मात्रै परीक्षण गरिएको थियो । यसअघि हिजो ४ हजार २ सय ५५ जनाको नमुना परीक्षण गरिएको थियो ।

मन्त्रालयका आज अनुसार पीसीआरबाट २९ र एन्टिजेन परीक्षणबाट ३ जनाका संक्रमण देखिएको छ ।

संक्रमण बढेकै कारण चीनले आफ्ना थुप्रै शहरहरुमा लकडाउन गरेको छ । भारतमा समेत कोरोना भाइरसको संक्रमण बढ्दै गएको छ ।

नेपालमा समेत लामो समयदेखि निरन्तर घट्दै आएको सक्रिय संक्रमितको सङ्ख्या आज बढेको हो भने, नयाँ थपिने संक्रमितको सङ्ख्या समेत अघिल्लो दिनको कम परीक्षण भए पनि तीन गुणा बढी देखिएको छ ।