एमाले अछामले बागी उम्मेदवारसहित १४ जनालाई पार्टीबाट निष्कासन गर्‍यो

कल्पना बोहरा,

प्रकाशित २०७९ वैशाख २१ बुधबार

अछाम। स्थानीय तह निर्वाचनमा पार्टीका आधिकारिक उम्मेदवारविरुद्ध बागी खडा भएको भन्दै नेकपा (एमाले) अछामले १४ जनालाई साधारण सदस्यसमेत नरहने गरी पार्टीबाट निष्कासन गरेको छ।

साँफेबगर नगरपालिका-६ मा वडाध्यक्षका बागी उम्मेदवार मीनबहादुर बोहरा, सदस्यका उम्मेदवार खड्कराज मुडभरी, धर्म दुवाल, सावित्री कडारा, अप्सरा स्वारलाई पार्टीको साधारण सदस्य नरहने गरी निष्कासन गरिएको एमाले अछामका सचिव भीमबहादुर रावलद्वार हस्ताक्षरित विज्ञप्तिमा उल्लेख छ।

त्यस्तै,सोही नगरपालिका-१ मा वडा सदस्यका उम्मेदवार पूर्णकुमार शाह र मय नेपाली, एमाले जिल्ला सदस्य दीपक कुँवर, हर्क विरही विक, जिल्ला सल्लाहकार सदस्य बलबहादुर रावल, बर्दप्रसाद धमाला, मङ्गलसेन नगरकमिटी सदस्य भक्त विक, कमलबजार नगरपालिका-५ का पार्टी अध्यक्ष केशव तिमिल्सेना, साँफेबगर नगरपालिका-९ का अध्यक्ष ध्रुव थापालाई निष्कासन गरिएको प्रेस विज्ञप्तिमा उल्लेख छ।