-
-
-
-
काठमाडौं । पछिल्लो २४ घण्टामा १९ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार दुई हजार ३७३ जनाको पीसीआर परीक्षण गर्दा १९ जनामा सङ्क्रमण देखिएको हो ।
त्यसैगरी, एक हजार ४४८ जनाको एन्टिजेन परीक्षण गर्दा कसैमा पनि सङ्क्रमण पुष्टि भएको छैन । मन्त्रालयका अनुसार २४ घण्टामा १८ जना सङ्क्रमणमुक्त भएका छन् भने एक जनाको सङ्क्रमणको कारण मृत्यु भएको छ ।
लामो समयपछि कोरोनाबाट एक जनाको मृत्यु भएको हो । अहिलेसम्म कोरोनाबाट ११ हजार ९ सय ५२ जनाको मृत्यु भएको पुष्टि भएको छ ।
अहिले देशभर सक्रिय सङ्क्रमित २१७ जना छन् ।
त्यस्तै, पछिल्लो २४ घण्टामा तीस हजार ६५६ जनाले कोरोनाविरुद्धको खोप लगाएका छन् ।
