-
-
-
-
काठमाडौं । निर्वाचन आयोगका प्रवक्ता शालिकराम शर्मा पौडेलले स्थानीय तहको निर्वाचनको मतपरिणाम आउन एक हप्तासम्म लाग्ने बताएका छन् ।
उनले आफूले राजधानीको सिद्धार्थ बनस्थलीबाट मतदान गरेपछि संचारमाध्यमलाई एक हप्तासम्ममा सबै मतपरिणाम आउने बताएका हुन् ।
उनले दिउँसो १२ः२० बजेसम्म ३५ प्रतिशत मत खसेको पनि बताएका छन् । स्थानीय तहको ७५२ पालिकामा आज मतदान भइरहेको छ । कपिलवस्तुको एक पालिकामा भने जेठ ३ गते मतदान हुँदैछ ।
प्रवक्ता शर्माले स्वतस्फूर्त रुपमा मतदान भइरहेकोसमेत उल्लेख गरेका छन् । स्थानीय तहको निर्वाचन देशैभर एकैदिन भएको हो ।
शर्माले मतदान सम्पन्न भएको दुई घण्टापछि नै मतगणना हुन थाल्ने बताए ।
यसअघिको २०७४ सालको निर्वाचन तीन चरणमा भएको थियो ।
