-
-
-
-
काठमाडौं । निर्वाचन आयोगका प्रवक्ता शालिकराम शर्मा पौडेलले स्थानीय तहको निर्वाचनमा करिब ७० प्रतिशत मत खस्ने बताएका छन् ।
उनले मध्यान्ह १२ बजेपछिसम्म ३५ प्रतिशत मत खसिसकेको बताउँदै सोही अनुपातमा मतदान हुँदा साँझ ५ बजेसम्म ७० प्रतिशतसम्म मत खस्ने अनुमान गरेका हुन् ।
उनले उनले मतदानको मतपरिणाम आउन एक हप्तासम्म लाग्ने बताएका छन् । उनले आफूले राजधानीको सिद्धार्थ बनस्थलीबाट मतदान गरेपछि संचारमाध्यमलाई एक हप्तासम्ममा सबै मतपरिणाम आउने बताएका हुन् ।
स्थानीय तहको ७५२ पालिकामा आज मतदान भइरहेको छ । कपिलवस्तुको एक पालिकामा भने जेठ ३ गते मतदान हुँदैछ ।
प्रवक्ता शर्माले स्वतस्फूर्त रुपमा मतदान भइरहेकोसमेत उल्लेख गरेका छन् ।
