arrow

हेटौंडाको चार वडाको मतगणना एकैपटक शुरु

logo
हाम्रा कुरा
प्रकाशित २०७९ वैशाख ३१ शनिबार
election-commission-locla-gov.jpg

मकवानपुर । मकवानपुरको हेटौंडा उपमहानगरपालिकाको मतगणना आज बिहानदेखि शुरु भएको छ ।मतगणनाबारे निर्णय लिन शुक्रबार राति बसेको सर्वदलीय-सर्वपक्षीय बैठकले आज ७ बजेदेखि मतगणना थाल्ने निर्णय गरेको भए पनि केहीबेरअघिदेखि मात्रै मतगणना शुरु भएको मुख्य निर्वाचन अधिकृत डिल्लीरत्न श्रेष्ठले जानकारी दिए ।

मतगणना हेटौंडा-२ स्थित सिद्धार्थ माविको मतदान केन्द्रमा शुरु भएको हो । उनका अनुसार हेटौंडाको चार वडाको मतगणना एकैपटक शुरु भएको छ । ती वडा नं १, २, १८ र १९ छन् ।मतगणनास्थलमा सुरक्षा व्यवस्थाका लागि तारजालीको प्रबन्ध मिलाइएको छ भने पारदर्शीतालाई मध्यनजर गर्दैै सिसिटिभी क्यामेरा जडान गरिएको छ । 

हेटौंडामा कूल एक लाख चार हजार ४७३ मतदाता रहेकामा ७३ हजार ४१४ जनाको मत खसेको मुख्य निर्वाचन अधिकृत श्रेष्ठले बताए । जिल्लाको थाहा नगरपालिका, मनहरि गाउँपालिका, भीमफेदी गाउँपालिका, इन्द्रसरोवर गाउँपालिकालगायत विभिन्न स्थानीय तहमा मतगणना जारी रहेको उनले जानकारी दिए । 

निर्वाचनअन्तर्गत शुक्रबार जिल्लाको १६५ स्थानमा ३५६ मतदान केन्द्र-उपकेन्द्रबाट मतदाताले मतदान गरेका थिए । 



लोकप्रिय समाचार
लोकप्रिय समाचार
नयाँ