-
-
-
-
विराटनगर । विराटनगर महानगरपालिकाको मतगणना शुरु भएको छ । शनिबार बिहान ८ बजेदेखि शुरु गर्ने भनिएको मतगणना वर्षात्का कारण केही ढिला गरेर शुरु भएको हो ।
अहिले विराटनगरको १८ नम्बर वडाको मतपेटिका खोलिएको छ । पहिलो चरणमा वडा नम्बर १, २, १६, १७, १८ र १९ को मतगणना शुरु भएको हो ।
एक लाख ३३ हजार १४२ मतदाता रहेको विराटनगर महानगरमा ८९ हजार ६७८ मत खसेको थियो ।
प्रारम्भिक परिणामअनुसार महानगरमा १५० मत गणना हुँदा गठबन्धनका उम्मेदवार नागेश कोइरालाले ५५ मत पाएका छन् । एमालेका सागरकुमार थापाले २२ मत पाएका छन् । स्वतन्त्र उम्मेदवार उमेशकुमार यादवले १९ मत पाएका छन् ।
त्यस्तै उपमेयरमा एमालेकी शिल्पा कार्कीले ३० मत ल्याएकी छिन् । गठबन्धन उम्मेदवार अमरेन्द्र यादवले २५ मत पाएका छन् ।
