-
-
-
-
रसुवा । रसुवाको आमाछोदिङ्मो गाउँपालिकाको अध्यक्ष पदमा कांग्रेसको तर्फबाट हाकुका बुचुङ तामाङ एक हजार चार सय ३० मत प्राप्त गरी विजय प्राप्त गरेको छ । उनले दोस्रो कार्यकालको जनमत पाएका हुन् ।
उनका निकटतम प्रतिद्वन्द्वी एमालेका फुर्पुसिङ्गी तामाङले एक हजार तीन सय ४५ मत प्राप्त गरेको छ ।
यसैगरी उपाध्यक्षमा कांग्रेसकी चण्डिका तामाङ एक हजार तीन सय ८१ मतले विजयी भएकी छन् भने उनका निकटतम प्रतिद्वन्द्वी एमालेकी नविना तामाङले एक हजार दुई सय २३ मत प्राप्त गरेको निर्वाचन अधिकृत शान्तिप्रसाद लुइँटेलले बताए ।
वडाध्यक्षको नामवली प्राप्त हुन बाँकी रहेको छ ।उत्तरगया, कालिका र नौकुण्डको मतगणना जारी रहेको र अन्तिम चरणमा पुग्न लागेको बताइएको छ ।
