पोखरामा थापासँग अग्रता बढाउँदै धनराज, उपमेयरमा टक्कर

हाम्रा कुरा

प्रकाशित २०७९ जेठ २ सोमबार

पोखरा । पोखरा महानगरपालिकामा मेयरका उम्मेद्वार धनराज आचार्यको अग्रता बढ्दै गएको छ । बिहान ९ः५० बजेसम्ममा गठबन्धनका आचार्यले चार हजार ५१ मत प्राप्त गर्दा नेकपा एमालेका मेयर पदका उम्मेद्वार कृष्ण थापाले ३६ सय ५७ मत प्राप्त गरेका छन् ।

यता, उपमेयर पदमा भने कडा प्रतिस्पर्धा देखिएको छ । गठवन्धनकी कोपिला रानाभाटले ४१ सय ९१ मत प्राप्त गर्दा नेकपा एमालेकी मञ्जुदेवी गुरुङले ४१ सय १० मत प्राप्त गरेकी छन् ।

पोखराका वडाहरुमध्ये १ र २ को नतिजा आइसकेको छ । जसमा वडा नं. १ मा एमाले र वडा नं. २ मा कांग्रेस विजयी भएको छ ।