डोटी बोगटान फुड्सिलको अध्यक्षमा माओवादी र उपाध्यक्षमा कांग्रेस विजयी

हाम्रा कुरा

प्रकाशित २०७९ जेठ २ सोमबार

डोटी । डोटीको बोगटान फुड्सिल गाउँपालिकाको अध्यक्षमा नेकपा माओवादी केन्द्र र उपाध्यक्षमा नेपाली कांग्रेसका उम्मेदवार निर्वाचित भएका छन् । अध्यक्षमा माओवादी केन्द्रका कमलबहादुर गड्सिला विजयी हुँदा उपाध्यक्षमा कांग्रेसका उम्मेदवार विष्ना देउवा बम विजयी भएकी हुन् ।

अध्यक्षमा गड्सिलाले २ हजार ५८ मत प्राप्त गर्दा उनका निकटतम प्रतिद्वन्द्वी नेकपा एमालेका उम्मेदवार हस्तबहादुर बुढाले २ हजार २४ मत प्राप्त गरेका थिए । कांग्रेसका उम्मेदवार डिलबहादुर बमले एक हजार ९३४ मत प्राप्त गरे ।

उपाध्यक्षमा कांग्रेसकी बमले २ हजार ६३ मत ल्याउँदै विजयी हुँदा निकटतम प्रतिस्पर्धी एमालेकी ज्ञान मल्ल बमले एक हजार ९९१ मत प्राप्त गरिन् । अर्का प्रतिद्वन्द्वी माओवादी केन्द्रकी कतावतीकुमारी चिमालाले एक हजार ८७१ मत प्राप्त गरिन

वडाध्यक्षहरूमा वडा नम्बर २ मा भरतबहादुर बम, वडा नम्बर ३ मा कृष्णबहादुर बम र वडा नम्बर ५ मा रामबहादुर बोहरा गरी तीन जना कांग्रेसबाट विजयी हुँदा वडा नम्बर १ मा खेमबहादुर घर्ती मगर र वडा नम्बर ६ मा श्याम बोगटी गरी दुई जना एमालेबाट निर्वाचित भए ।

यस्तै वडा नम्बर ४ मा दीपबहादुर बम र वडा नम्बर ७ मा चन्द्रभान सुनारसहित २ जना माओवादी केन्द्रका उम्मेदवार विजयी भए ।