-
-
-
-
भरतपुर । चितवनको भरतपुर महानगरपालिकामा नेकपा माओवादी केन्द्रकी उम्मेदवार रेणु दाहाल अगाडि रहेकी छिन् ।
हालसम्मको मतपरिणाम अनुसार पाँच दलीय गठबन्धनको तर्फबाट उम्मेदवार बनेकी रेणुले ९ हजार ४०५ मत ल्याएकी छिन् ।
दोस्रो स्थानका नेकपा एमालेका विजय सुवेदीले ८ हजार ३७ मत ल्याएका छन् । यो अवस्थासम्ममा रेणुले १३ सय ६४ मतान्तरले अघि बढेकी छन् ।
नेपाली कांग्रेसका विद्रोही स्वतन्त्र उम्मेदवार जगन्नाथ पौडेलले ४ हजार २४८ मत ल्याएका छन् ।
उपप्रमुखमा भने नेपाली कांग्रेसका चित्रसेन अधिकारीले फराकिलो अग्रता बनाएका छन् । उनले ११ हजार १९६ मत ल्याउँदा राप्रपाकी हिमला गुरुङले ६ हजार ५४८ मत ल्याएकी छिन् ।
