-
-
-
-
काठमाडौं ।काठमाडौंमा राष्ट्रिय प्रजातन्त्र पार्टी (राप्रपा) फर्किएको छ । विसं २०७४ पछि राप्रपाले राजधानीमा पहिलो पटक जीत हासिल गरेको हो ।
शङ्खरापुर नगरपालिकाको नगरप्रमुखमा राप्रपाका रमेश नापित विजयी भएका छन् । नापितले चार हजार ७०० मत पाएका छन् । विसं २०७४ को निर्वाचनमा राजधानीमा राप्रपाले स्थानीय तहको प्रमुखमै जीत हासिल गर्न सकेको थिएन ।
उनका निकटतम प्रतिस्पर्धी नेकपा (एकीकृत समाजवादी)का लक्ष्मीप्रसाद (एलपी) श्रेष्ठले चार हजार २०२ मत प्राप्त गरेका छन् ।
नेकपा (एमाले)का कृष्णलाल बजगाईँले तीन हजार ६२२ मत पाए । नेकपा (माओवादी केन्द्र)का मधु केसी नीरजले दुई हजार २२२ मत पाएका छन् । जनता समाजवादी पार्टीले भने ९२ मत मात्र प्राप्त गरेको थियो ।
