-
-
-
-
पोखरा । पोखरा महानगरपालिकामा गठवन्धनका साझा मेयर पदका उम्मेद्वार नेकपा (एकीकृत समाजवादी) का धनराज आचार्यले अग्रता कायमै राखेका छन् ।
एक लाख एक हजार १२१ मतगणना हुँदा आचार्य ३२ सय ६० मतले अगाडि छन् । आचार्यले ४० हजार ४३४ मत प्राप्त गर्दा नेकपा एमालेका कृष्ण थापाले ३७ हजार १७४ मत प्राप्त गरेका छन् ।
मेयर पदकै उम्मेद्वार राप्रपाका शंकर खरालले ४५ सय ८२ र स्वतन्त्रका गनेस पौडेलले २६ सय १३ मत प्राप्त गरेका छन् ।
यता, उपमेयर पदमा नेकपा एमालेकी मञ्जुदेवी गुरुङले अग्रता बढाएकी छन् । उनले नेपाली कांग्रेसकी कोपिला रानाभाटलाई १६ सय १२ मतले पछाडि पारेकी छन् ।
गुरुङले ४२ हजार ३१६ र रानाभाटले ४० हजार ७०४ मत प्राप्त गरेकी छन् । यस्तै, राप्रपाकी रञ्जना सेनले ४५ सय ९ मत प्राप्त गरेकी छन् ।
