धनगढी उपमहानगरपालिका स्वतन्त्र उम्मेदवारको कब्जामा, लामो समयपछि हार्यो कांग्रेस
सुनिल आउजी,
प्रकाशित २०७९ जेठ ८ आइतबार
833
Shares
धनगढी । धनगढी उपमहानगरपालिकाको मेयरमा स्वतन्त्र उम्मेदवार गोपाल हमाल र उपमेयरमा एमाले उम्मेदवार कन्दकला राना विजयी भएकी छिन्। हमालले २६ हजार ८६५ मत पाए भने नेपाली कांग्रेसका उम्मेदवार नृपबहादुर वडले १४ हजार ८१७ मत पाएका छन् । यस्तै एमालेका रणबहादुर चन्दले ९ हजार ११५ मत पाएका छन् ।
उपमेयरमा निर्वाचत रानाले १५ हजार ४७९ मत पाउँदा माओवादी केन्द्रकी अधिकारीले १२ हजार ६७० मत पाइन्। स्वतन्त्र उम्मेदवार प्रभाकर भण्डारीले छ हजार ६०९ मत पाए।
लामो समयपछि धनगढीको नेतृत्व कांग्रेसले गुमाएको हो ।
यस्तै धनगढीका १९ वटा वडामध्ये कांग्रेसले ११ र एमालेले छ र माओवादी केन्द्रका दुई वडाअध्यक्ष विजयी भएका छन् । ०७४ सालको निर्वाचनमा कांग्रेसले १२ वडा जितेको थियो ।
यस्तै ०७४ मा माओवादीले पाँच एमालेले दुई वडामा मात्रै विजयी भएको थियो।
