-
-
-
-
भरतपुर । माओवादी केन्द्रबाट उम्मेदवार बनेकी रेणु दाहालले अग्रता फराकिलो बनाएकी छन् ।
भारतपुरमा रेणु एमालेका उम्मेदवार भन्दा ८ हजार भन्दा बढी मतले अगाडि छिन् ।
एमालेका उम्मेदवार विजय सुवेदीभन्दा रेणु ८ हजार ४ सय ९२ मतले रेणु अघि रहेकी हुन् ।
आइतबार ३ बजेको मतपरिणाम अनुसार रेणुले ३८ हजार ६५५ मत ल्याएकी छिन् ।
उनीभन्दा पछि एमालेका सुवेदी छन् । सुवेदीले ३० हजार १६३ मत ल्याएका छन् ।
रेणु पाँच दलीय गठबन्धनको तर्फबाट उम्मेदवार बनेकी हुन्।
गठबन्धनलाई चुनौती दिएका नेपाली कांग्रेसका विद्रोही स्वतन्त्र उम्मेदवार जगन्नाथ पौडेलले १२ हजार ६४१ मत ल्याएका छन् ।
उपप्रमुखमा भने नेपाली कांग्रेसका चित्रसेन अधिकारीले ४० हजार ९०० मत का साथ अग्रस्थानमा छन् ।
राप्रपाकी हिमला गुरुङले २३ हजार ८७३ मत ल्याएकी छिन् ।
भरतपुर महानगरपालिकामा एक लाख २७ हजार ८ सय ३९ मत खसेको थियो ।
