-
-
-
-
पोखरा । नेकपा एमालेले बखेडा झिकेपछि पोखरामा जारी मतगणना रोकिएको छ । एमालेले पोखरा १८ र ३१ मा मतगणनामा धाँधली भएको भन्दै पुनः मतगणनाको माग गरेपछि मतगणना रोकिएको हो ।
अहिले वडा नं. २२, ३२ र ३३ को मतगणना जारी रहेकै अवस्थामा रोकिएको हो । पोखरा-१८ मा खसेको ६ मत मतपेटिकामा नभएको भन्दै एमाले गण्डकी प्रदेश अध्यक्ष नवराज शर्माले पुनः गणनाको मागसहित निवेदन दिएका हुन् ।
यस्तै, पोखरा-३१ मा पनि ३ मत मतपेटिकामा नभेटिएको भन्दै त्यसको निर्णय नहुँदासम्म मतगणनामा नबस्ने एमालेको अडानका कारण मतगणना रोकिएको हो ।
पोखरा महानगरपालिकाको प्रमुख पदमा धनराज आचार्य र उपप्रमुखमा मञ्जुदेवी गुरुङको जित निश्चित भइसकेको छ ।
हालसम्म एक लाख ३९ हजार ४१ मतगणना भइसकेको छ । यहाँ एक लाख ४३ हजार २२६ मत खसेको छ । अब तीन हजार ८१५ मत गन्न बाँकी छ ।
