-
-
-
-
पोखरा । पोखरामा स्थगित भएको मतगणना शुरु भएको छ । नेकपा एमालेले पोखरा महानगरपालिका वडा नं. १८ को मतगणना पुनः हुनुपर्ने माग राखेर मतगणना बहिष्कार गरेपछि आज दिनभर मतगणना हुन सकेको थिएन ।
सहायक निर्वाचन अधिकृत सुरज अधिकारीले एक सूचना प्रकाशित गर्दै मतगणना शुरु हुने र सो कार्यमा दलहरूका प्रतिनिधिहरूलाई सहभागी हुन आग्रह गरेका थिए ।
सूचनामा उनले नेकपा एमालेले राखेको माग कानूनी कारबाहीमा रहेको र एमालेको विषयमा मुख्य निर्वाचन अधिकृतको कार्यालय अत्यन्त गम्भीर रहेको सूचनामा उल्लेख गरेका छन् ।
पोखराको २२, ३२ र ३३ को केही मतगणना बाँकी छ । हालसम्म सम्पन्न मतगणनामा एकीकृत समाजवादीका धनराज आचार्य पोखराको मेयर र नेकपा एमालेकी मञ्जुदेवी गुरुङ उपमेयरमा विजयी भइसकेकी छिन् ।
