-
-
-
-
काठमाडौं । पूर्वी इरानमा बुधबार बिहान रेल दुर्घटना हुँदा कम्तीमा १७ जनाको मृत्यु भएको र ५० बढी घाइते भएको त्यहाँको राज्य टेलिभिजनले जनाएको छ । घाइते हुनेमा केहीको अवस्था रहेको र मृत्यु हुनेको संख्या बढ्न सक्ने बताइएको छ । दुर्घटनाको कारण खुल्न नसकेको बताइएको छ ।
मरुभूमि शहर ताबास नजिकै बिहानको अन्धकारमा रेलमा रहेका सातमध्ये चारवटा गाडी पटरीबाट खसेको रिपोर्टले जनाएको छ। एम्बुलेन्स र तीन हेलिकप्टरमार्फत दुर्घटना भएको ठाउँमा उद्धार टोली पुगेको थियो ।
दुर्घटनाको कारणबारे अनुसन्धान भइरहेको बताइएको छ । यसअघि इरानमा सन् २०१६ मा दर्जनौंको ज्यान लिने गरी रेल दुर्घटना भएको थियो ।
