-
-
-
-
काठमाडौं । पछिल्लो २४ घण्टामा थप २५ जनामा कोरोना भाइरसको संक्रमण पुष्टि भएको छ । यो अवधिमा १५ जना कोभिड१९बाट निको भएका छन् ।
१९ जनामा पीसीआर विधिबाट र ६ जनामा एन्टीजेन विधिबाट संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार यसअवधिमा ३ हजार ९ सय ५ जनाको नमुना परीक्षण गरिएको थियो ।
हाल सक्रिय संक्रमितको संख्या ९७ रहेको छ । भारतमा पछिल्लो २४ घण्टामा ८ हजार भन्दा बढी संक्रमित थपिएका छन् ।
यसअघि हिजो ६ हजार भन्दा बढी नयाँ संक्रमित थपिएका थिए । भारतमा निरन्तर बढ्दो संक्रमण र नेपालमा समेत केही दिनयता संक्रमण बढ्ने संकेत देखिइरहेका बेला फेरि महामारीको चिन्ता बढ्न थालेको छ ।
चीनमा समेत कोभिड१९को संक्रमणले पछिल्लो समय फेरि उचाइ लिइरहेको छ ।
