-
-
-
-
काठमाडौं । पछिल्लो २४ घण्टामा देशभर थप ५५ जनामा कोरोना भाइरसको संक्रमण कोभिड१९ पुष्टि भएको छ । यसअवधिमा १७ जना संक्रमणमुक्त भएका छन् ।
स्वास्थ्य तथा जनसंख्या मन्त्रालयका अनुसार यसअवधिमा २६९८ जनाको नमूना परीक्षण गरिएको थियो । पीसीआरबाट १५३२ जनाको नमूना परीक्षण गर्दा ३६ र एन्टीजेनविधिबाट ११६६ जनाको नमूना परीक्षण गर्दा १९ जनामा संक्रमण पुष्टि भएको हो ।
हाल सक्रिय संक्रमितको संख्या २८० पुगेको छ । दिनानुदिन संक्रमितको संख्या बढ्दै गएकाे छ ।
