सरकारको नाबालकमाथि खेलबाड, पाँच देखि १२ वर्षका बालबालिका उपत्यकामै कोरोनाको खोप लगाउन बञ्चित
आपूति शाखा प्रमुख चौरसिया भन्छन् – आइतबार प्राप्त भएको २३ लाख खोप असार ९ देखि १५ गतेसम्म खोप लगाएकालाई मात्र
हाम्रा कुरा
प्रकाशित २०७९ असार १९ आइतबार
970
Shares
काठमाडौं । बालबालिकालाई लगाइने कोरोना भाइरस विरुद्धको खोपको आज करिब २३ लाख मात्रा नेपाल आइपुगेको छ । कोभ्याक्स सुविधामार्फत ‘फाइजर बायोएनटेक’ खोप नेपाल आइपुगेको स्वास्थ्य सेवा विभाग आपूर्ति व्यवस्थापन शाखाप्रमुख सुरेन्द्र चौरसियाले जानकारी दिए ।
उनका अनुसार २२ लाख ९९ हजार २०० मात्रा खोप नेपाल आइपुगेको हो । उक्त खोप ५ देखि १२ वर्षमुनिका बालबालिकाका लागि लगाइने छ । आइतबार प्राप्त भएको खोप यसअघि असार ९ देखि १५ गतेसम्म खोप लगाएका बालबालिकालाई दोस्रो मात्रा खोप लगाइने छ ।
यसअघि बालबालिकालाई लगाइने खोप २२ लाख तीन हजार २०० मात्रा आएको थियो । सरकारले ५ देखि १२ वर्षमुनिका ३९ लाख बालबालिकालाई दुई चरणमा खोप लगाइरहेको छ ।
पहिलो चरणमा २७ जिल्लामा यही असार ९ देखि १५ गतेसम्म बालबालिकालाई विद्यालयमा गएर खोप प्रदान गरिएको थियो । सोही समूहलाई साउन २ देखि ८ गतेसम्म दोस्रो मात्राको खोप दिइने छ ।
यस्तै दोस्रो चरणमा ५० जिल्लामा भदौ ५ देखि ११ गतेसम्म पहिलो मात्रा र सोही समूहलाई दोस्रो मात्रा भदौ २७ देखि असोज १ गतेसम्म सञ्चालन गरिने छ ।
तर काठमाडौं उपत्यकामै थुप्रै बालबालिका खोप लगाउनबाट वञ्चित भएका छन् । उनीहरुले खोप अभावमै असार ९ देखि १५ गतेसम्म खोप लगाउन पाएका थिएनन् ।
आइतबार आएको खोपबाट उनीहरुले लगाउने अपेक्षा विपरीत आइतबार खाएको खोप पहिलो डोज लगाएकालाई मात्र दिने भनिएसँगै छुटेको बालबालिकाको समूह निराश भएको छ ।
उनीहरुसँगै उनीहरुका अभिभावकसमेत चिन्तित भएका छन् ।
पछिल्ला केही दिनदेखि उपत्यकामा कोरोनाको महामारी बढ्दो क्रममा रहेको छ । हालका दिनहरुमा स्वास्थ्य प्रोटोकल पनि मिच्दै गएको अवस्था छ । यस्तोमा कलिला बालबालिकाहरुमा कोरोना फैलने डर ब्याप्त भएको छ । (राससको सहयोगमा)
