दुई मन्त्रीले राजीनामा दिएपछि जोनसनको सरकार संकटमा
हाम्रा कुरा
प्रकाशित २०७९ असार २२ बुधबार
515
Shares
काठमाडौं । बेलायतका दुई वरिष्ठ मन्त्रीले मन्त्रिपरिषद्बाट राजीनामा दिएसँगै बेलायतका प्रधानमन्त्री बोरिस जोनसनको नेतृत्वको सरकार संकटमा परेको छ ।
स्वास्थ्य मन्त्री साजिद जाविद र अर्थमन्त्री ऋषि सुनकले मङ्गलवार लगभग सँगसँगै राजीनामाको घोषणा गरेका हुन् ।
यौन दुर्व्यवहारको गुनासो आएपछि पास्टरल हेरचाहका लागि रहेका एक पूर्व मन्त्री सो पदको लागि अनुपयुक्त भएको कुरा महसुस नगर्नु आफ्नो गल्ती भएको भन्दै प्रधानमन्त्री जोनसनले माफी मागेका बेला दुई मन्त्रीको राजीनामा आएको हो ।
I have spoken to the Prime Minister to tender my resignation as Secretary of State for Health & Social Care.
It has been an enormous privilege to serve in this role, but I regret that I can no longer continue in good conscience. pic.twitter.com/d5RBFGPqXp
प्रधानमन्त्रीलाई लेखेको राजीनामा पत्रमा जाविदले एकपछि अर्को काण्डहरूको शृङ्खलापछि जोनसनको राष्ट्रिय हितमा शासन गर्ने क्षमतामा विश्वास गुमाएको बताएका छन् ।
धेरै विधायक र जनताले जोनसनको राष्ट्रिय हितमा शासन गर्ने क्षमतामा विश्वास गुमाएको जाविदको भनाइ छ ।
डेली टेलिग्राफ अखबारले जोनसनले आफ्नो चीफ अफ स्टाफ स्टीभ बार्कलेलाई आफ्नो अर्को स्वास्थ्य मन्त्री नियुक्त गरेको रिपोर्ट गरेको छ ।
The public rightly expect government to be conducted properly, competently and seriously.
I recognise this may be my last ministerial job, but I believe these standards are worth fighting for and that is why I am resigning.
