-
-
-
-
काठमाडौं । लगातारका अनेकौं काण्डहरुमा फसेपछि र बुधबार एकै दिनमा क्याबिनेटका ४० भन्दा बढी मन्त्री र सहयोगीहरुले राजीनामा दिएपछि बेलायतका प्रधानमन्त्री बोरिस जोनसन पनि कन्जरभेटिभ पार्टीको लिडरबाट राजीनामा दिन तयार भएका छन् ।
बेलायती प्रमुख सञ्चार माध्यमका अनुसार उनी आफ्नो पार्टीको प्रमुखबाट राजीनामा दिन तयार भए पनि शरद ऋतुसम्म प्रधानमन्त्रीको रूपमा काम गर्ने बताएका छन् । संसदीय दलको नेता चयन हुन दिनका लागि त्यतिबेलासम्म उनी प्रधानमन्त्री पदमा रहिरहने तयारी गरेको बताइएको छ।
जोनसनले आफ्नो पार्टीको नेतृत्वबाट आजै राजीनामा दिनसक्ने बताइएको छ । उनका आलोचकहरुले यो कदमको स्वागत गरेका छन् भने उनी प्रधानमन्त्री पदमा रहिरहने भन्ने विषयमा भने अझै आलोचकहरु सशक्त भएर उभिने देखिएको छ ।
४० मन्त्री र सहयोगीले राजीनामा दिए पनि जोनसनले सत्ता नछाेड्ने
