-
-
-
-
पोखरा । पोखरामा करेन्ट लागेर एक जनाको मृत्यु भएको छ । मृत्यु हुनेमा सिन्धुली घर भइ हाल पोखरा महानगरपालिका वडा नं. १७ घारीपाटन बन्ने करिब ४० बर्षका कृष्णबहादुर रानामगर रहेका छन् ।
आज दिउसो ३ बजेतिर पोखरा महानगरपालिका वडा नं. ५ प्रस्याङ खुँडेपोखरी नजिक निर्माणाधीन घरमा रङ लगाउनेक्रममा करेन्ट लागेर उनको मृत्यु भएको जिल्ला प्रहरी कार्यालय कास्कीले जनाएको छ ।
कास्कीका निमित्त प्रहरी प्रमुख एवं डिएसपी सुन्दर तिवारीका अनुसार घरमा रंग लगाउनेक्रममा घर नजिकै रहेको हाईटेन्सन विद्युत लाइनको तारमा छोइन पुग्दा मगरलाई करेन्ट लागेको थियो ।
करेन्ट लागेर घरको दुई तलामाथिबाट खसेर उनको मृत्यु भएको डिएसपी तिवारीले बताए । रानामगरको शव पोष्टमार्टका लागि पश्चिमाञ्चल क्षेत्रीय अस्पतालमा राखिएको छ ।
