-
-
-
-
काठमाडौं । कोरोना भाइरसको महामारी ह्वात्तै बढेको छ । आइतबार एकैदिन यो वर्षको सबैभन्दा बढी संक्रमित थपिएका छन् ।
आइतबार एकैदिन एक सय २१ संक्रमित थपिएको स्वास्थ्य तथा जनसंख्या मन्त्रालयले जनाएको छ । १७ सय पीसीआर परीक्षणबाट १०४ तथा १३ सय ४५ एन्टिजेनबाट १७ संक्रमित पाइएका हुन् ।
जम्मा ३१ जनामात्र संक्रमणमुक्त भएका छन् । योसंगै सक्रिय संक्रमितको संख्या ६७८ पुगेको छ ।
पीसीआर परीक्षणबाट ६.१२ प्रतिशत संक्रमित पाइएका हुन् । संक्रमण दर पनि बढेको छ ।
संक्रमण काठमाडौंमा उपत्यकामा झनै तीव्र भएको छ । काठमाडौंमा मात्रै ३८९ संक्रमित रहेका छन् ।
ललितपुरमा ६३ संक्रमित रहेका छन् भने भक्तपुरमा १० संक्रमित रहेका छन् ।
