-
-
-
-
काठमाडौं । सत्तारुढ गठबन्धनको तर्फबाट नेपाली कांग्रेसका सचेतक पुष्पा भुषाल गौतमले उपसभामुख पदमा उम्मेदवारी दर्ता गराएकी छिन् । सङ्घीय संसद् भवन नयाँ बानेश्वरमा पुगेर उनले उपसभामुखको उम्मेदवारी दर्ता गराएकी हुन् ।
सो उम्मेदवारीमा नेकपा (माओवादी केन्द्र) का प्रमुख सचेतक देवप्रसाद गुरुङ प्रस्तावक र नेकपा (एकीकृत समाजवादी) की लक्ष्मीकुमारी चौधरी समर्थक रहेका छन् ।
लामो समयदेखि प्रतिनिधि सभाको उपसभामुख पद रिक्त रहँदै आएको थियो । सत्तारुढ गठबन्धनकातर्फबाट साझा उम्मेदवारका रुपमा भुषालको उम्मेदवारी परेको हो ।
