-
-
-
-
स्याङ्जा । स्याङ्जाको सिंचाइ पोखरीमा डुबेर बुधवार साँझ दुई जनाको ज्यान गएको छ । मृत्यु हुनेमा गल्याङ नगरपालिका वडा नं. ६ पेलाकोटकी वर्ष ४ की सोफिया गुरुङ र वर्ष ३३ की बिन्द्र गुरुङ रहेका छन् ।
आज साँझ ५ बजे सोफिया पोखरीमा डुबेको र उनलाई बचाउन जाँदा बिन्द्र गुरुङ घाइते भएको र दुवैको उपचारका क्रममा मृत्यु भएको जिल्ला प्रहरी कार्यालयले जनाएको छ ।
प्रहरी प्रवक्ता प्रहरी नायव उपरीक्षक रवीन्द्र खनालका अनुसार डुबेर गम्भीर घाइते भएका दुवैलाई प्राथमिक स्वास्थ्य केन्द्र वालिङ लगिएकोमा चिकित्सकले मृत घोषणा गरेको हो । घटनाको सम्बन्धमा थप अनुसन्धान भइरहेको उनले बताए ।
