-
-
-
-
पोखरा । पोखरामा गएराति घरभित्रै चितुवा पस्यो । पोखरा महानगरपालिका वडा नं. २३ ठूलाखेतस्थित चूडामणि गौतमको घरभित्र गएराति ४ बजे चितुवा बसेको बताइएको छ ।
बिरालो लखेट्दै जानेक्रममा चितुवा घरभित्र पसेको हुनसक्ने अनुमान गरिएको छ ।
चितुवा घर भित्र पसेपछि घरबाहिर रहेका चूडामणि घर भित्र रहेका परिवारका सदस्यलाई घरबाहिर निकालेका थिए ।
बिहान प्रहरी र वन कार्यालयका कर्मचारीको टोली आएर घरभित्रको भकारीमा लुकेर बसेको चितुवालाई बाहिर निकालेको वडा सदस्य शान्ति पराजुलीले जानकारी दिइन् ।
